Një paradë ndryshe nga të tjerat është zhvilluar të shtunën në Kairo të Egjiptit. 22 mumje mbretërore egjiptiane, janë përcjellë në kapsula të mëdha drejt një muzeu të ri, ku mund të ekspozohen më mirë sec ishin ekspozuar.
Karvani me kapsulat transportoi gjithësej 18 mbretër dhe 4 mbertëresha, fillimisht nga Mbretëria e Re, nga Muzeu Egjiptian në sheshin Tahir të Kairos, në qendrën e Muzeut Kombëtar të qytetërimit Egjiptian në Fustat, rreth 5 km në jug-perëndim.
Ceremonia e vecantë qe projektuar me qëllimin për të shtuar interesin ndaj koleksionit të pasit të antikitetit të Egjiptit. Gjatë zhvilimit të saj autoritetet mbyllën dy anët e Nilit, topat shtinë 21 herë, dhe makinat e transportit qenë zbukuruar me motive faraonike të arta. I pranishëm në ceeremoni qe edhe presidenti i vendi Abdel Fattah al-Sisi.
Kapsula speciale që transportonte mumjet qe mbushur me azot për të siguruar mbrojtjen e tyre, e mes mumjeve që u transportuan, qenë edhe ato të Ramses II, Sethit I dhe ajo e Ahmose- Nefertarit.
