Fotoja e saj ka bërë xhiron e rrjetit. Ajo, e vetme, ulur në trotuarin e lagur, përballë një turme me efektivë policie. Tërheq vëmendjen se ka flokë të verdhë që spikasin, çantë të hedhur në shpinë, aq e çlirët dhe e pambrojtur në dëshirën e saj për t’u ulur në atë buzë udhe e për të pushuar ca, e lodhur a e mpirë nga të protestuarit.
Në fillim mendon mos pamja është e inskenuar. Çasti i fiksuar në imazh, i vlefshëm për çmim! Por jo. Nga një koment në fejsbukun e shkrimtares Flutura Açka, nën statusin me të njëjtën foto, shoqëruar me shënimin ‘E bukura dhe bisha’, kupton që ka qenë një moment real, i cili, në fakt, do mbetet gjatë në qarkullim, pikërisht për simbolikën që mbart.
Unë jam Nertila, vajza në atë foto në proteste, shkruan ajo. Me emocionoi shumë diçitura juaj mbi foto.
Është fotoja ime e lirisë, në kërkim të drejtësisë për Klodianin e për të ardhmen!
Para se të ulesha aty, dy djem protestues, po më largonin, të më merrnin me vete tek turma që largohej. Isha shumë e rebeluar, se pse po i hidhnin pa mase rinisë gaz lotsjëlles, e ujë krejt trupit nga pompat e tyre.
U thashë djemve të vazhdojnë, pak ndjeva një marrje mendsh nga gazi, e ula para policisë, e lirë. Dëgjoja emra politikanësh shpesh nga rinia që ulëriste në deshperim. Ah çfare emrash! Emrat që vrasin nga vullneti shqiptarët, tash 30 vjet!
Emra që vënë në pushkë plumbat, jo vetëm efektivëve të pashkolluar e trajnuar, por kujtdo që mbart shpresën për Drejtësi në këtë vend!
Aty para tyre, fillova te shoh film. M’u duk sikur ata, policia po bashkoheshin me ne!
Duhej ta shihja atë film, së pari që të vihej drejtësia e duhur për Klodianin, e së dyti, që të me shume lirinë time!
Prandaj e qetë e askush nuk kuptonte!
Vetëm njerëzit e lirë mund të më kuptojnë!
Ashtu si ju!
