Legjenda e futbollit gjerman Franz Beckenbauer është ndarë nga jeta ditën e djeshme në moshën 78 vjeçare. Njoftimin për ndarjen e tij nga jeta e ka bërë vetë familja e të ndjerit. “Me pikëllim të thellë ju njoftojmë se bashkëshorti dhe babai ynë Franz Beckenbauer, vdiq paqësisht dje, të dielën, rrethuar nga familja e tij”, shkruhej në njoftim. “Ju kërkojmë të mbani zi heshturazi e të kufizoni pyetjet tuaja”.
Der Kaiser – siç u mbiquajt nga tifozët Bekenbaueri – konsiderohet ende një nga mbrojtësit më të fortë në botë.
Beckenbauer lindi më 11 shtator 1945 në Mynih. A u rrit profesionalisht në radhët e Bayern Munichut, ku luajti nga viti 1964 deri në 1977. Në fund të karrierës së tij, ai ishte një nga lojtarët e parë evropianë që kaloi përtej oqeanit: në vitin 1977 iu bashkëngjit New York Cosmos, duke u bashkuar në një ekip me Pelén.
Karrierën si futbollist e përfundoi në vitin 1983.
Ai ishte trajner i Mannschaftit nga viti 1984 deri në vitin 1990. Më pas, u transferua në Olympique Marseille dhe më pas, në 1994, në Bayern, ku – që nga viti 2009 – ishte president nderi.
Beckenbaueri është vlerësuar shpesh për revolucionarizimin e rolit të mbrojtësit, në një epokë kur shumë nga kolegët e tij qenë të kufizuar në trajtimin e sulmuesve kundërshtarë. Kaiser ishte fillimisht kampion bote si lojtar, me Bayernin në 1974, dhe më pas si trajner, duke triumfuar në 1990 në Romë, kundër Argjentinës së Maradonës.
Fitues i dy Topave të Artë (në 1972 dhe 1976), midis trofeve të tjera të tjera të tij, përfshihen edhe tre Kupa Evropiane dhe një Kupë të Fituesve të Kupave si lojtar me Bayern Munich, gjashtë kampionate gjermane (pesë si lojtar dhe një si trajner) dhe një Kupë UEFA si trajner i Bajernit në 1996.
Beckenbauer kishte muaj që vuante, por gjendja e tij shëndetësore qe rënduar gjithnjë e më shumë muajt e fundt.
Në gusht të vitit 2022, fjalët e një kampioni tjetër gjerman, Lothar Matthäus, qenë ato që krijuan shqetësim e që i paraprinë ndarjes së tij nga jeta: “Shpresojmë që ai të ngrihet përsëri në këmbë. Franzi thotë se shëndeti është gjëja më e rëndësishme. E ai nuk e ka atë për momentin”, deklaroi ai pasi Beckenbauer humbi festimet e 33 vjetorit të fitores së Gjermanisë në Kupën e Botës 1990.
