Është ndarë nga jeta mbrëmjen e sotme, në moshën 84 vjeçare, kompozitori aq i dashur i muzikës shqiptare, Agim Krajka.
Ai ka kompozuar një sërë këngësh që kanë mbetur të pashuara në fondin e muzikës së lehtë shqiptare, e po ashtu edhe një sërë kolonash zanore në filma të ndryshëm, të cilat po ashtu do mbeten të pashlyeshme në kujtesën e spektatorit shqiptar.
I njohur për bashkëpunimin e ngushtë me këngëtaren ikonë të muzikës shqiptare Vaçe Zela, kujtojmë këtu një sërë kompozimesh të tijat, si Lemza dhe Djaloshi shiu etj, apo kolonat zanore të filmave si Udha e Shkronjave, Zonja nga qyteti etj.
Mbante titullin Artist i Merituar i Popullit.
