Në prezantimin e programit për arsimin në vend, Lulëzim Basha ka shprehur angazhimet kryesore që do të marrë përsipër në këtë sektor, nëse vjen në pushtet pas 25 prillit 2021.
Disa nga angazhimet që ai parashtroi sot publikisht, ishin:
- Tekste të reja falas për 350.000 nxënës.
- 50,000 familjeve mbështetje
- Program arsimor modern për të rinjtë që duan të marrin një profesion në shqipëri
- 5 kurse gjuhësh të huaja falas, që të rinjtë të jenë të përgatitur për tregun e punës, falë investimeve që do vijnë më qeverinë e re.
- Program passhkollor dhe ushqim shtesë në shkolla, për t’i mbajtur fëmijët të angazhuar.
- Do rrisin me 60% rrogat e mësuesëve. Asnjë mësues nuk do ketë rrogë më pak se 700 euro.
- Brenda 4 viteve, një familje shqiptare do ketë me se s’bën një pajisje kompjuterike në shtëpi.
- Nuk do diskriminohet asnjë fëmijë për hir të aftësive apo pamundësive sociale
- Do garantoj pavarësinë e studentëve dhe lirinë e nevojshme akademike, duke miratuar ligjin e ri për arsimin sa të vij në pushtet
- Do rriten me 50% pagat e pedagogëve, duke shkuar në 900 euro, dhe të profesorëve, që shkojnë 1300 euro
- Do paguajmë kostot e arsimit për studentët që vijnë nga familje me më pak se 650 mijë lekë të ardhura, dhe 50% të atyre që vijnë nga familje me më shumë se 650 mijë lekë të ardhura.
- Dixhitalizimin e arsimit, laboratorëve, etj.
- Financim i dedikuar për gratë dhe vajzat në fushat me përparësi të veçantë
- 10 mijë stazhe 12 mujorëshe, për studentët çdo vit.
