Lulja e Krishtlindjes është një prej simboleve më të përhapura të Krishtlindjeve. Janë të shumë ata ata që e mbajnë atë vetëm për disa javë sa të kalojnë festat, por nuk mungojnë edhe ata që zgjedhin ta kenë atë për më gjatë, duke u kujdesur që ajo të lulëzojë sërish vitin më pas. E nëse kush po e lexon, bën pjesë në këtë grup, ja disa prej këshillave që ofrojnë specialistët që merren me rritjen e kësaj luleje, në mënyrë që ajo t’ju rrojë sa më gjatë.
Përgjithësisht, Lulja e Krishtlindjeve preferon një ndriçim jo të drejtëpërdrejtë, por të plotë e të fuqishëm, thonë specialistët që merren me rritjen e kësaj luleje. Për t’i dhënë sasinë e duhur të dritës, mund ta mbani në parmakun e dritares, e sidomos gjatë dimrit, kur dielli perëndon më herët. Nëse shtëpia juaj nuk ka një dritë natyrale, mund ta vendosni nën një llampe fluoreshente, në mënyrë që ajo të marrë sasinë e dritës për të cilën ka nevojë.
Kini kujdes temperaturën brenda shtëpisë, dhe mos e vendosni Lulen e Krishtlindjeve pranë rrymave të nxehta apo të ftohta të ajrit, që mund të vijnë prej kaloriferëve apo xhamave të kërcur, është këshilla tjetër e specialistëve. Temperatura e tyre e preferuar, shkon në rreth 65-75 fahrenheit. Ashtu si dhe bimët e tjera tropikale, thonë ata, edhe Lulja e Krishtlindjeve rritet një terren lagështia e të cilit kuptohet thjesht me dorë. Një terren i thatë apo shumë i lagësht, mund të bëjë që kjo lule të vyshket shpejt.
Ponsentia (pra Lulja e Krishtlindjeve), duhet vaditur një herë në javë, por duhet bërë shumë kujdes me sasinë e ujit që i hidhet, sepse mund të sjellë një kalbje të rrënjëve. E nëse ju shket ora, thonë specialistët, boshatiseni menjëherë vazon nga uji i tepërt.
Një tjetër këshillë që ofrojnë rritësit e saj, është të pastruarit e luleve dhe gjetheve, e po ashtu edhe heqja e paketimit, nëse kanë qenë të paketuara kastile për festë, sepse paketimi bllokon dritën dhe mundëson vyshkjen e bimës.
Të kuptosh se për sa ujë ka nevojë kjo bimë, është një prej detyrave më të vështira, thonë specialistët e lules. Sipas tyre, një apo dy filxhan ujë në javë janë mëse të mjaftueshëm për një vazo të madhe e ca më pak për një të vogël, për shkak se kjo lule e ka origjinën nga Meksika dhe Amerika Qendrore, dhe preferon klimat e ngrohta. Në rënësinë e saj, për jetëgjatësinë e Lules së Krishtlindjes nuk mbetet pas as temperatura e ujit, e cila, po sipas specialistëve që merren me rritjen e tyre, duhet të jetë rreth 70 gradë Fahrenheit.
