Princi William ka shpallur ditën e djeshme një projekt pesëvjeçar, për t'u dhënë fund të pastrehëve afatgjatë në Mbretërinë e Bashkuar, duke deklaruar se dëshiron të sigurohet që rastet e njerëzve pa çati mbi kokë janë "të rralla, shumë të rralla dhe të papërsëritshme.”
Trashëgimtari i fronit do të shpallë detajet e programit gjatë dy ditëve të ardhshme, teksa është duke vizituar gjashtë projekte pilot në mbarë vendin që kanë marrë grante deri në 500,000 paund (637,000 dollarë) secili prej Fondacioni Mbretëror, shoqata bamirëse që mbështet punën e Williamit dhe bashkëshortes së tij.
“Është një detyrë e madhe, por unë besoj se duke punuar së bashku, është e mundur që të pastrehët të pakësohen, rrallohen e të mos përsëriten, dhe mezi pres të punoj me gjashtë vendndodhjet tona për ta bërë këtë ambicje tonën realitet”, tha Williami në një deklaratë të tijën ditën e djeshme.
Gjashtë projektet e mbështetura nga nisma të njohura si "Homewards", përfshijnë bashkëpunime mes organizatave lokale, individëve dhe bizneseve, për të ndihmuar të pastrehët në komunitetet e tyre. "Homewards" gjithashtu, shpreson të imitojë Finlandën dhe suksesi që korri ajo, ku njerëzit, përpara se të përpiqen të adresojnë çështje të tjera, si abuzimi me substancat.
Nisma vjen pasi rritja e qirave dhe mungesa e banesave të përballueshme, shtyjnë më shumë njerëz drejt të pastrehëve, në valën kur po përballen me rënien më të madhe të standardeve të jetesës, që nga Lufta e Dytë Botërore.
