Kreu i qeverisë Edi Rama ka bërë me dije në konferencën për shtyp ditën e sotme përpara Selisë së PS-së se në fund të muajit mars do të bëhet edhe rregjistrimi i kandidatëve dhe lisave për këshilltarët për zgjedhjet e 14 majit.
Përgjatë intervistës, Rama bëri me dije se nuk ka ndërmerrd të ndjekë politikën e gërr-gërrit të kundërshtarit, e se parashikon një fitore të plotë më 14 maj.
Jemi në fund të përgatitjeve për zgjedhjet. Në fund të muajit bëhet edhe regjistrimi i kandidatëve, i listave për këshilltarët dhe nga ana tjetër, përtej këtij aspekti është edhe aspekti programatik i fushatës, specifikat e zonave si dhe përmbajtja thelbësore në rrafshin kombëtar. Unë e kam thënë dhe e përsëris, nuk kam asnjë disponim të merrem me politika të gërr-gërr gërrit…
Sa u takon kandidatëve për kryetarë bashkie, aty ku faktikisht ka pasur dakordësi dhe ka pasur sinkronizim të një kandidati të caktuar që janë aktualisht kryetar bashkie, zyrtarizimi do të bëhet pak më përpara se kandidati të shpallet zyrtarisht.
Mendojmë se zgjedhjet do t’i fitojmë bindshëm, por për hir të së vërtetës dua të jem i drejtëpërdrejtë me ju, kur ke përballë kundërshtatë të tillë, fitorja aritmetike është minimumi. Ne duhet të shkojmë përtej fitores aritmetike, se të hysh në fushë me kundërshtarë që nuk janë në lartësinë e duhur dhe janë madje të padenjë për të qenë në fushë, nuk është e vështirë të fitosh, tha mes të tjerave Rama.
