Është hapur ditën e sotme Spitali Rajonal Memorial i Fierit, i cili sipas ministres së Shëndetësisë Manastirliu, do të shërbejë për gjithë rajonin e Jugut, qarkun e Fierit, Vlorës e Gjirokastrës, duke shërbyer njëkohësisht edhe si “pol i ri shërbimi terciar për gjithë qytetarët shqiptarë”.
Sipas Manastriliut, ky spital “do të rrisë aksesin që qendrat spitalore dhe do të mundësojë rritjen e kapacitetit spitalor”, pasi në të do të ketë 150 shtretër. Është një spital që ka jo vetëm shërbimet e planifikuara, u shprej ajo, por edhe ato të urgjencës. Për të qenë pjesë e këtij spitali, sqaroi Manastriliu, kanë aplikuar rreth 70 punonjës të cilët po përzgjidhen dhe rekrutohen, ndërkohë që spiali do të menaxhohet së bashku me kolegët turk, me një administrim të kombinuar shqiptaro-turk.
Ky spital sipas Manastrliut materializon vizionin e qeverisë për shërbimin spitalor, që është autonomia spitalore. Ne jemi duke u përgatitur për gjithë elmentët e nevojshëm për përfitimin e kartës spitalore, shpreh ajo, nga spitalet që plotësojnë të gjitha kushtet e infrastrukurës dhe kanë edhe teknologjinë, dhe ky është spitali ku do të aplikohet për herë të parë ky model.
