Ka fluturuar për herë të parë një helikopter mbi sipërfaqen e planetit të kuq, Marsit.
Droni, i quajtur Ingenuity, fluturoi për më pak se një minutë në ajër, por pavarësisht kësaj, agjencia hapësinore NASA, feston atë që e cilëson si fluturimin e parë me motor, të kontrolluar, në një tjetër planet.
Konfirmimi i këtij fluturimi vjen prej një sateliti në Mars, i cili ka transmetuar të dhënat e helikopterit në Tokë.
Ingenuity u transportua në Mars brenda barkut të Perseverance-s, i cili u ul në kraterin Jezero mbi planetin e kuq në shkurt.
Në ditët në vijim, sipas agjencisë hapësinore NASA, parashikohen fluturime edhe më interesante të Ingenuity.
