Ministrja e Shëndetësisë Manastriliu ka prezantuar spitalin e ri të sëmundjeve të brendshme, i cili pritet të mbarojë deri në fund të këtij viti.
Risia në këtë spital të ri, tha Manastriliu, është shërbimi i urgjencës polivalente, që sot ofrohet në godinënë A1, e që do të transferohet në këtë spital, në një kohë që ambientet aktuale ku është urgjenca, do të shërbejnë si ambiente shërbimi për qytetarët, por mbi të gjitha për krijimin e një spitali të ri ditor, ku do të ketë më tepër akses shfrytëzimi i shtratit, duke ndihmuar kapacitetet në këtë spital.
Mes të tjerave Manastriliu tha se spitali do të kishte 271 shtretër në total, dhe është menduar që ai të integrohet me godinën e parë, duke ofruar një “rienergjiizm të të gjitha kapaciteteve aktuale dhe ambienteve të reja që po krijohen”.
Po krijojmë një mënyrë të re organizmi për spitalin e sëmundjeve të brendshme që do të transferohet këtu. Jemi duke vlerësuar mundësinë e krijimit të një salle hibride, për të krijuar mundësinë që të gjitha ndërhyrjet e hemodinamikës, të kalojnë në një nivel më të lartë, duke qenë se ky spital do të ketë një imazheri më të përqendruar, por do të kemi gjithashtu edhe sallat e urgjencës kardiake, që do të vendosen në -1 dhe në katin 0 të spitalit, duke e futur në sistemin e urgjencës.
Brenda 3 mujorit të parë të 2021, përfundon edhe riogranizimi i spitalit aktual, pra i katit të urgjencës, që kthehet në një spital ditor, sqaroi Manastriliu.
