Një zjarr i madh ka pushtuar mbrëmjen e djeshme rreth orën 9.00 të darkës fabrikën e bojërave Deutsch Color, pranë autostradës.
Sipas njoftimit të policisë së Shtetit, në momentin që ra zjarri, brenda në fabrikë nuk kishte patur punonjës, por vetëm rojet të cilët kishin qenë në ambientet e jashtme të fabrikës. Nga përhapja e flakëve nuk pati asnjë person të dëmtuar.
Nga hetimet paraprake, ka rezultuar se zjarri ka rënë për shkak të kontaktit të një shkëndije elektrike me kimikatet e bojërave.
Sipas burimeve në vend, fabrika e bojërave është djegur thuajse e tëra, ndërkohë që pjesa e zyrave duket se ka mbetur e paprekur.
