Presidenti Amerikan Joe Biden, ka bërë publike përmes një deklarate në Shtëpinë e Bardhë, qëndrimin që do të mbajë tani e tutje Amerika, ndaj gjithë atyre që kërcënojnë përpjekjet për stabilizimin ndërkombëtar të Ballkanit.
Duke parë situatën në terriorin e ish Republikës Federale të Jugosllavisë dhe atë të Republikës së Shqipërisë (Ballkanin Perëndimor), shkruan ai, gjatë dy dhjetëvjeçarëve të fundit, përfshi mosfunksionimin e institucioneve të pasluftës pas shpërbërjes së ish Republikës Socialiste Federale të Jugosllavisë, e po ashtu edhe korrupsionin brenda qeverive të ndryshme në hapësirën e Ballkanit Perëndimor, që pengojnë përparimin drejt qeverisjes së efektshme e demokratike, si dhe dhe integrimin e plotë në institucionet transatlantike, duke përbërë një kërcënim të pazakontë e tejet të madh për sigurinë kombëtare dhe politikën e jashtme të Shteteve të Bashkuara, urdhëroj:
Të gjitha pasuritë dhe interesat e pasurive që gjenden në Shtetet e Bashkuara, që do të hyjnë më pas në Shtetet e Bashkuara, apo që janë, që do të vihen në zotërim apo kontroll të kujtdo personi amerikan, nga personat e poshtërenditur, bllokohen dhe për pasojë nuk transferohen, eksportohen, tërhiqen apo trajtohen ndryshe; çdo person i përcaktuar nga Sekretariati i Thersarit në Konsultim me Sekretarin e Shtetit, që:
- është përgjegjës apo bashkëpunëtor, apo i përfshirë në mënyrë të drejtëpërdrejtë, në veprime apo politika që kërcënojnë paqen, sigurinë, stabilitetin apo integritetin territorial të çfarëdolloj hapësire apo shteti të Ballkanit Perëndimor;
- që janë përgjegjës apo bashkëpunëtorë, apo në veprime apo politika që minojnë proceset apo institucionet demokratike në Ballkanin Perëndimor;
- Që janë përgjegjës apo bashkëpunëtorë, apo që janë të përshirë në mënyrë të drejtëpërdrejtë apo indirekt në ndonjë dhunim apo akt që ka penguar apo kërcënuar aktualizimin e çfarëdolloj marrëveshjeje apo bashkëpunimi rajonal, në pikëpamje të sigurisë, paqes, bashkëpunimit, njohjes reciproke, apo mekanizmit të përgjegjësisë që lidhet me Ballkanin Perëndimor, përfshi marrëveshjen e Prespës të 2018-s, Marrëveshjen e Ohrit të 2001, Rezolutën 1244 të Këshillit të Sigurimit të Kombeve të Bashkuara, Marrëveshjen e Dejtonit, apo konkluzionet e Këshillit të Konferencës për vendosjen e paqes, mbajtur në Londër më 1995-n, përfshi dhe vendimet apo dhe përfundimet e Përfaqësisë së Lartë, të Këshillit, për vendosjen e paqes, apo Komitetit të saj drejtues,e po ashtu edhe ato të Gjykatës penale ndërkombëtare për ishJugosllavinë, ose, po për ish Jugosllavinë, mekanizmin ndërkombëtar për gjyqet ndërkombëtare.
- që janë përgjegjës apo bashkëpunëtor apo i përfshirë në mënyrë të drejtëpërdrejtë apo indirekte në dhunime të rënda të të drejtave të njeriut në Ballkanin Perëndimor, etj., kanë qenë disa nga pikat që ka renditur ai në deklaratën e tij.
Mjaft medie në vend e kanë lidhur këtë deklaratë me disa emra konkretë të politikës aktuale shqiptare, të cilat në gjykimin e tyre do t’i shtohen atij të Berishës, shpallur së fundmi “non grata” prej Sekretarit të Shtetit Amerikan, Anthony Blinken.
