I pyetur se ç’do të bënte nëse Rama do të fitonte 71 mandate në formë të rregullt, Meta u shpreh se do të jepte dorëheqjen.
Unë e kam bërë të qartë, tha ai në Syri Tv, nëse ai fiton në mënyrë normale, demokratike, 71 mandate, unë atij firmën për kryeministër nuk i jap, por ama një dorëheqje ia çoj. Merre i them, bëje dhe presidentin ti dhe s’kam asnjë merak, nëse populli shqiptar ka menduar dhe ka gjykuar se ty nuk të mjafton vetëm gjithë pushteti, nuk të mjafton vetëm gjithë parlamenti, nuk të mjafton gjithë pushteti lokal, nuk të mjaftojnë gjykatësit e prokurorët e çfarë ke ti që kontrollon, e që nuk bëjnë asnjë veprim për të zbatuar ligjin. Unë po ta jap edhe presidentin.
Dal në bulevard, s’kam asnje problem, s’kam asnje shqetësim unë! Respektoj vendimin e popullit, u shpreh Meta.
