Në takimin me të rinjtë e Laprakës, kreu i qeverisë Rama është prezantuar me dy atlete me logon e PS në dorë. Sipas tij, ato qenë Philipp Plein dhe prodhoheshin në Shqipëri me materiale porositësi, ndaj synimi i Ramës, qe që gjatë periudhës 2021-2025-s, prodhime të këtillë cilësie, që e kishin çarë tregun vetë, të hynin në tregjet e huaja me Made in Albania, për t’u dhënë kështu një shans jo vetëm vendeve më pak të pasura të kishin një cilësi të tillë, por edhe të rinjëve shqiptarë që mund t’i blinin ato me kosto të përballueshme.
Sot paradite, përpara se të vija për këtu, më erdhi një dhuratë, nga një grup punonjësesh dhe një sipërmarrës beratas. Kjo atlete, në fakt më erdhën dy palë, një palë të bardha një palë të zeza, dhe këtu kam marrë të majtën dhe të djathtën. Kjo atlete është Philipp Plein. Philipp Plein është një nga emerat më të njohur në botën e modës, dhe kjo atlete e prodhur në berat, shitet sa frëngu pulën nëpër Europë, tha Rama. Ajo që ne duam, ajo që unë dua, është që këtë dekadë, ku ne kemi hyrë dhe me planin tonë të veprimit, 2021-2025, është të nxisim dhe të arrijmë që gjithë struktura jonë, gjithë rrjeti ynë i fabrikave që prodhojnë me paterial porositësi, të kalojë në një nivel tjetër, dhe ato gra duararta, ata sipërmarrës kurajozë që krijojnë kaq shumë punësim, dhe që kanë çarë në të gjitha tregjet e huaja, të fillojnë të hyjnë në tregjet e huaja me Made in Albania, jo më me markat e stërnjohura, por me market shqiptare… Mora të majtën e bardhë dhe të djathtën e zezë, për të thënë që për të vrapuar duhen të dyja këmbët. Për të shkuar më lart, duhen të dyja këmbët. E pra për mua, për të gjithë ne, sfida e madhe është që të bashkojmë forcat e jashtëzakonshme të njerëzve të zakonshëm. Jo vetëm kundër të gjithëve, siç thuhet, por rvetëm kundër atyre që janë bashkë, për të na mbjatur të përçarë, theksoi Rama në fjalën e tij.
