Në shpjegimet e dhëna prag hapjes së tunelit 3, drejtori i ARRSH-së Ergys Verdho, shpjegoi për publikun dhe ministren Balluku se si do të funksiononte ndërkohë rrethrrotullimi ‘Shqiponja’ në hyrjen e re të Tiranës.
Këtu jemi në një rrethrrotullim të krijuar provizor për menaxhimin e trafikut të fazës katër, i cili do të mbledhë gjithë trafikun e Unazës së Madhe nga Pallati me Shigjeta deri këtu, për të dalë nga Tirana, do mbledhë edhe trafikun që do të futet nga ‘Dritan Hoxha’, në drejtim të Durrësit. Kjo është lëvizja nga Tirana për në Durrës. Lëvizja nga Durrësi për në Tiranë, do vijojë për 4 ditë në tunel 3-sh për makinat e vogla, dhe në hyrjen ekzistuese për trafikun e rëndë, dhe pas 4-5 ditësh, by-passin provizor që patëm krijuar për daljen nga Tirana, do ta shembim dhe do krijojmë aksesin nëpërmjet tunel 4-s, në zonën e Laprakës dhe spitalit të Traumës, pra futja në Tiranë do bëhet përmes tunel 3shit në drejtim të Astirit, dhe nëpërmjet tunel 4s, në drejtim të Laprakës, pra do ta aksesojë Tiranën dhe Zogun e zi përmes Laprakës.
Në javët në vijim do përpiqemi të mbyllim edhe tunelin 5 dhe atë 2,u shpreh ai, të cilat do na japin mundësinë për aksesin e Durrësit në drejtim të Tiranës, në drejtim të Zogut të Zi, nëpërmjet soletave të tyre, dhe mbas disa javesh, trafiku në sheshin ‘Shqiponja’ nuk do ekzistojë më problematik.
