Jo më larg se pak kohë më parë, Australia kaloi në dhomën e ulët, një ligji që e detyron Facebook-un të paguajë kompanitë e lajmeve për informacionin e përdorur. I vënë në dijeni të lajmit, Facebook reagoi duke bllokuar tërë faqet e lajmeve kombëtare e të huaja për australianët, e po ashtu edhe krejt përdoruesit australianë të platformës Facebook, të shpërndanin çdo lloj lajmi, me justifikimin se nuk i qe lënë udhë tjetër. Me faqet e lajmeve, kompania Facebook ka fshirë edhe disa llogari të qeverive shtetërore, të departamentit të emergjencave edhe sajte bamirësie pa qëllimet përfitimi, çka që ka shkaktuar jo vetëm konfuzion të madh në vend, por edhe indinjatë.
Pas blackout-it imponuar prej Facebook, kryeministri australian Scott Morrison është shprehur se do vazhdojë me ligjet që e detyrojnë Facebook-un të paguajë edicionet informative për përmbajtjet e tyre, duke pohuar se ka marrë ndërkohë edhe mbështetjen e liderave të Britanisë, Kanadasë, Francës dhe Indisë për këtë qasje.
Vetë Facebook, është shprehur se qeveria australiane e ka keqkuptuar vlerësimin që ajo si kompani ka për kompanitë e lajmeve, edhe pse ndërkohë, së bashku me Alphabet Inc. pronaren e Google, ndërmorën një fushatë kundër këyre ligjeve, duke kërcënuar të hiqnin shpërbimet kyçe për Australinë, nëse ato do hynin në fuqi.
Blackout-i i imponuar prej Facebook-ut, pati një reagim të menjëherëshëm në trafikun e lajmeve australiane. Sipas të dhënave të para të kompanisë së analizave të New York Chart Beat, trafiku drejt faqeve të lajmeve australiane nga platfofma të ndryshme u pakësua me 13 % nga dita e parë e ndalimit brenda vendit, dhe me rreth 30 % jashtë. Po ashtu, trafiku drejt faqeve australiane nga Facebook-u, rezultoi të kishte rënë nga 21 në 2% në Australi dhe nga 30 % në 4 jashtë vendit.
Presidenti I News Corps australiane Michael Miller, konfirmoi ndikimin e këtij pezullimi nga ana e Facebook, duke pohurar ndërkohë se trafiku në faqet përkatëse qe rritur me dy shifra.
Ligji australian që do ta detyrojë fejsbukun të lidhë marrëveshje me kompanitë e lajmeve për t’i shpërbler ato, pritet të kalojë në Senat javën që vjen.
