Dhjetë milionë dollar pasuri e patundshme, një letër e Fidel Kastros, një automjet amfib, dhe një kontenier plot me suvenire! Duket se pasuritë e Diego Armando Maradonës janë po aq të larmishme sa dhe karriera e tij, por në mungesë të një testamenti, gjykatësit i duhet të caktojë më së pari trashëgimtarët dhe pastaj të ndajë pasurinë futbollistit të sapo ndarë nga jeta.
Sipas Matías Morla-s, agjentit të fundit të tij, shuma totale e e pasurisë së Maradonës duhet të jetë të paktën 10 milionë dollarë dhe, plus kë tyre, janë edhe papafingoja në Buenos Aires “Segurola y Habana 4310, kati i shtatë”, një adresë kthyer tashmë në simbol për argjentinasit, si dhe dy apartamente në kryeqytetin argjentinas, njëri prej të cilëve në Portin Madero, zonën më të shtrenjtë të Amerikës Jugore.
Pastaj është edhe një kontenier i vulosur, mbi përmbajtjen e të cilit vlojnë diskutimet. Janë të shumtë zëra thonë që aty gjenden të paktën 200 suvenire të Diegos, mes së cilave edhe këpucët e tij të famshme Puma, si dhe bluzat e futbollit firmosur nga miku i tij Hristo Stoichkov.
Në kontenier, veç këtyre, gjenden edhe një xhaketë ushatarake dhe një letër në kornizë e Fidel Kastros. Diegoja u bë mik me diktatorin kuban, kur shkoi atje që t’i largohej kokainës.
Por, Maradona kishte edhe një fiksim tjetër: orat e shtrenjta, që përbëjnë gjithashtu një tjetër aset për t’u marrë parasysh. Dhe të fundit, por jo më pak të rëndësishme, janë edhe dy kasaforta, përmbajtja e të cilave nuk njihet ende.
Por gjykatësit janë në vështirësi, sepse Maradona nuk ka lënë asnjë testament. Kujt i takon pasuria?
Sipas ligjit argjentinas, të gjithë fëmijëve në mënyrë të barabartë, vetëm se nuk dihet ende sa fëmijë ka futbollisti i famshëm. Pikërisht për këtë arsye, të mërkurën, gjykata vendosi që trupi i Maradonës të ruhet për testet e mundshme të ADN-së në të ardhmen.
Maradona është varrosur në një varrezë të prindërve të tij, në lagjen perëndimore të Bella Vistës, dhe varri tij ruhet, për ta mbrojtur nga ndonjë sulm i mundshëm.
